الحمد لله انهينا بطولة الجمهورية بالغردقة 2014 بنتيجة مشرفة

يخصص هذا القسم للمواضيع الخاصة بالمسابقات و المهراجانات و أخبارها

المشرف: مشرفين

seif khairy
مشاركات: 5280
اشترك في: الثلاثاء مايو 02, 2006 3:17 pm
مكان: القاهرة-6 اكتوبر

الحمد لله انهينا بطولة الجمهورية بالغردقة 2014 بنتيجة مشرفة

مشاركةبواسطة seif khairy » الأربعاء يونيو 18, 2014 11:44 am

السلام عليكم جميعا احلى صيادين

انهينا و الحمد لله كريق نادى الصيد المصري بطولة الجمهورية و التى اقيمت الاسبوع الماضى بالغردقة بنجاح

الفريق تكون من

ايمن شكرى
عضو دائم في الفريق و نزل البحر قبل المسابقة بيومين للاستطلاع

زميلنا سامى داوود
اول مشاركة له مع فريقنا و مسافر بعدته كلها حتى ينجد من ينقصه شيئا و قد حدث و اسعفنا مرارا

عمر البهى
عضو دائم في الفريق و الرحلات

على خيري "ابنى العزيز"
و صياد تحت السن

و العبد لله
اقل واحد في الفريق


المسابقة في مجملها و تقديري الشخصى له سيئة بدءا من اختيار الميعاد انتهاءا بحفل الختام
اولا التوقيت و هو شهر منتصف شهر 6 و منتصف الشهر العربي يعنى القمرة طالعة من 4 عصرا حتى الثامنة صباحا و بالتالى تأثيره على الجر او التسقيط سيء جدا علاوة على كونه ليس موسما للجر
شروط المسابقة حدث فيها تعديلات اقل ما يوصف عنها انها لا تناسب قيمة المسابقة , فمثلا خيوط الجر اصبحت 80 ليبرة بدلا من 50 يعنى شعر 100 بدلا من 70 , و هو فين اصلا السمك اللى بيطلع على ال70 لما احتاج انى ارفع القدرة ل100
السماح باستخدام خيوط البريديد في الجر بينما تعليمات الاتحاد الدولى هى استخدام النايلون في الجر
التسقيط ليس له اى قواعد
المراقب .......... بدون تعليق علشان ضغط الدم انما بارع في النوم و الحمد لله انه ما وقعش في فرقة من اياهم و الا كانوا طلعوا الاوائل بجدارة
كتالوج المسابقة بيقول الاحتفال النهائى الساعة 6 يتم تأجيله ل7.30 و عدم مراعاة لظروف ان هناك ناس عندها تانى يوم شغل و لسه هاتسوق مشوار طويل للقاهرة و طبعا غالبية المتسابقين فضلوا السفر و العودة حتى نحن لم نحضر تسليم الجوائز التى حصلنا عليها لكن نتمنى ان ان شاء الله ان تتحسن الوضاع و يتحسن التنظيم في المسابقات القادمة

احداث المسابقة
الو ايمن ايه الاخبار ؟
ايمن : البحر ناااااااشف يدوبك اخدنا في يومين جر طراد و شريفة ؟؟؟

طبعا متوقع هذا السناريو انما مدلوله ان السمك الغاطس موجود
طيب و التسقيط ؟؟
اخدنا اول يوم 9 شعورات و اليوم التانى 5 و الهوا شد توكلنا على الله و كنينا
مدلوله ان الشعور في تشاطيبه و التوجه شمالا

المهم سافرنا 3 افراد في سيارتين , عمر البهى و العبد لله في عربية و سامى داوود في عربية لأنه زى ما وضحت الراجل واخد معاه كل المعدات التقيلة و الخفيفة لزوم الحرب
وصلنا الغردقة بحمد الله و نزلنا معداتنا ثم عشوة من الشعور الجميل الطازج اللى اصطاده اخونا ايمن
جولة سلامات على الفرق المشاركة فالحمد لله كلهم احبائى و اصدقائى و ناس افاضل
نمنا و صحينا الساعة 6 صباحا لتجهيز المعدات و الانطلاق بعد تمام حرس الحدود و بالفعل بعد التاخير مشينا الساعة 8 .30 تقريبا
نزلنا المكن و كلنا لوعة و اشتياق لصوت الزننننننننننننننننن الجميل لكن هيهات
شوية و ز من غير النون و ناخد ناجل 2 كيلو
ز تانية برضه من غير نون و شريفة 2.8 كيلو
و ز تالتة ناجل برضه صغير
بصراحة شىء يصيب بالاحباط لأن اليوم انتهى بهذه الحصيلة
و وقفنا على التسقيط يلا يا رجالة شدوا حيلكو
الريس حمتو الجميل سابنا بالخيوط الرفيعة و قالك انا عاوز توينة !!!! قسم شروية نصين و نزل بنص منهم و قعد
ساعة كده و لاقيناه بيتنفض و هوب هوب هوب لم يا جدع , بص تعمل ايه لما الغواصة من دول تدخل الوعر و راسها و الف سيف ماهى طالعة و اتكتب لها عمر جديد
اخونا سامى سخن عليها راح واخد النص التانى و نازل بيه و نفس السناريو بس الغواصة تشرف على الطبلية ما شاء الله توينة محترمة 18 كيلو على الميزان
انا اساسا كنت بصارع النوم لأنى مانمتش اليلة اللى قبلها و مع مجهود و ارهاق اليوم كانت لمبة البنزين نورت بس منظر السمك خلانى سخنت و مسكت الحداف و علقت نص شروية و نص ساعة تقريبا و غواصة تانية تضرب و نفس السناريو التانى و تشرف و فيها 25 كيلو
طبعا كل ده و تخلله المحسن و ابوشرارة و بياضه و حوالى 5 تعابين موراى تم اطلاق سراحهم لأنهم ممنوع صيدهم في المسابقة و من اساسه محدش له فيهم من كل من هم على المركب . بس دول لو كانو دخلوا الميزان كنا عدينا لأن الواحد فيه مش اقل من 10 الى 15 كيلو و الصغير فيهم بتاع متر و نص الى 2 و نص متر
الساعة واحدة شطبت و سبت الجماعة مكملين
اليوم التانى نفس سيناري اليوم الاول مع اختلاف حجم الناجل اللى وصل 6.50 كيلو و اتنين تلاته صغيرين , بصراحة شىء يجن
اليوم الاخير هو تكرار لاحداث اليوم الاول , سمكة براكودا 2.5 كيلو على لعفة حية في الجر و انتهاء اليوم و احداث الجر
تانى و تالت يوم التسقيط حصيلته بتنزل عن اليوم الاول الى ان وصلنا اخر يوم الى 4 كيلو سمك !!!!!!!
طبعا انا مصاب باحباط شديد و لا اخفيكم ابتديت اشك في نفسي و في قدراتى الى ان وصلنا المارينا .
بجولة سريعة على المراكب اكتشفت ان هناك 4 فرق غادروا البطولة تانى يوم "" هكذ قيل لى و لا اعرف حتى من هى هذه الفرق"
فرق كتيرة ماجابتش جر من اساسه
و حتى التسقيط فرق اخدت 20 و 25 كيلو في ال3 ايام !!!!!
الهذا الحد وصل بنا التدهور و انعدام و لا اقول قلة الاسماك برغم ما حبانا الله به من شواطئ طولها يملا عين الحسود

الجوائز
حصل فريقنا على الاتى
احسن صائد تسقيط و هى العبد لله بالتوينة 25 كيلو
تالت فريق تسقيط
رابع تفوق عام

الحمد لله على كل شىء و هى عودة حميدة بعد بعد 3 سنوات عن المشاركات

الجر الاول الفريق اليونانى من اسكندرية
الثانى فريق هليوبوليس
الثالث صيد اسكندرية

التسقيط الاول هليوبوليس
الثانى رياضات الغردقة
الثالث صيد الدقى ب

معلش طولت عليكم شويتين و اسيبكم مع الصور


20140614_092604.JPG



20140611_220455.JPG



20140611_231324.JPG



20140611_232255.JPG



20140613_183350.JPG



20140614_100732.JPG



20140614_095518_2.JPG
ليس لديك الصلاحية لمشاهدة المرفقات
مع تحياتى
سيف خيرى
عاشق الصيد


صورة


صورة العضو الشخصية
حسام الصياد
مراقب منتدى
مشاركات: 3695
اشترك في: الأربعاء مايو 30, 2007 2:26 pm
مكان: الإسكندرية
اتصال:

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة حسام الصياد » الأربعاء يونيو 18, 2014 11:55 am

الف مليون مبروك يا غالين علينا كلنا فريق مشرف بأعضائه الافضال .. الف هنا وشفا لكم جميعا وديما مشرفنا على طوووووووووول

والله يا سيف باشا أحنا كنا موجودين في الغردقة في نفس التوقيت تقريبا وفعلا زي ما بتقول السمك كان ضعيف جدا جدا جدا جر وتسقيط .. وبعدها اشرف كان هناك والحال هو الحال برضه السمك كان ضعيف جدا جدا ..
من كان رزقة على الله فلا يحزن
أبو مريم وسارة ( الإسكندرية )


صورةصورة

...................................................... (شعار على ماتفرج تصميم وإهداء من علي البنا )

صورة العضو الشخصية
temraz12
مراقب منتدى
مشاركات: 2447
اشترك في: الاثنين يونيو 29, 2009 5:29 pm
اتصال:

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة temraz12 » الأربعاء يونيو 18, 2014 12:16 pm

حمدلله على السلامه
وإن شاء الله العام القادم احسن
صورة

صورة العضو الشخصية
mancy85
مشاركات: 158
اشترك في: الاثنين نوفمبر 19, 2007 10:55 am
مكان: القاهرة
اتصال:

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة mancy85 » الأربعاء يونيو 18, 2014 12:57 pm

السلام عليكم أستاذ شريف

أولا حمد لله على السلامة ومبروك الحصيلة فى التوقيت الغريب دة .
السلام عليكم
أحمد منسى
mancy85@hotmail.com
سبحان الله وبحمدة سبحان الله العظيم

صورة العضو الشخصية
nehalfahim128
مشاركات: 1025
اشترك في: الخميس إبريل 23, 2009 10:40 pm
مكان: الاسكندرية

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة nehalfahim128 » الأربعاء يونيو 18, 2014 1:02 pm

بسم الله ماشاء الله .... والف مبروك ياباشا ... فين نصيبي من السمك انا كنت معاكم بقلبي :)
إنا لله وإنا إليه راجعون ،،، ولا حول ولاقوة إلا بالله العلي العظيم
احمد فؤاد الي جنة الخلد باذن الله

صورة

صورة العضو الشخصية
محمد الحوفى
مشاركات: 414
اشترك في: الجمعة فبراير 01, 2008 2:09 pm
اتصال:

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة محمد الحوفى » الأربعاء يونيو 18, 2014 3:00 pm

حمدالله على السلامه والله ينور ياكبير
م/ محمد الحوفى
لا اله الا الله محمد رسول الله ;;;;;;;;;;;;;;; سبحان الله وبحمده سبحان الله العظيم ;;;;;;;;;;;;;;;;; حبيبى يا محمد يا رسول الله

ياسر حسن احمد
مشاركات: 16
اشترك في: الأحد سبتمبر 01, 2013 7:15 pm

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة ياسر حسن احمد » الأربعاء يونيو 18, 2014 3:15 pm

سيف بيه حمد لله على سلامتك ومبروك ، وكعهدنا بك مشرف دائما

seif khairy
مشاركات: 5280
اشترك في: الثلاثاء مايو 02, 2006 3:17 pm
مكان: القاهرة-6 اكتوبر

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة seif khairy » الخميس يونيو 19, 2014 6:25 am

حسام الصياد كتب:الف مليون مبروك يا غالين علينا كلنا فريق مشرف بأعضائه الافضال .. الف هنا وشفا لكم جميعا وديما مشرفنا على طوووووووووول

والله يا سيف باشا أحنا كنا موجودين في الغردقة في نفس التوقيت تقريبا وفعلا زي ما بتقول السمك كان ضعيف جدا جدا جدا جر وتسقيط .. وبعدها اشرف كان هناك والحال هو الحال برضه السمك كان ضعيف جدا جدا ..



الله يبارك فيك يا حس يا جميل
و الله الواحد مقهور على حال البحر و التدهور المرعب اللى حصل فيه
بقى معقول تقعد تلف في البحر و تبرم 3 ايام بلياليهم و عدد و صيادين و طعوم اشكال و الوان و جو مثالى و في الاخر تكون هى دى النتيجة بتاعة المسابقة ؟ شىء محزن و مؤسف فعلا


temraz12 كتب:حمدلله على السلامه
وإن شاء الله العام القادم احسن



الله يسلمك يا ابوحميد و الحمد لله على كل شىء


mancy85 كتب:السلام عليكم أستاذ شريف

أولا حمد لله على السلامة ومبروك الحصيلة فى التوقيت الغريب دة .


الله يسلمك يا منسى و صدقنى الواحد لما طلع من البحر استريح من الضغط العصبى و لما تشوف بقية حصيلة الفرق و فرقتك تحمد ربنا مليون مرة


nehalfahim128 كتب:بسم الله ماشاء الله .... والف مبروك ياباشا ... فين نصيبي من السمك انا كنت معاكم بقلبي :)


الله يبارك فيك يا افندم
يا حبيبى السمك جاهز بس انت جبتلى ياتري الحاجة الحلوة من بلاد الفرنجة ؟؟ انا برضه كنت معاك بقلبى هههههههههه


محمد الحوفى كتب:حمدالله على السلامه والله ينور ياكبير


الله يسلمك يا ابوحميد يا محترم و الحمد لله على كل شىء


ياسر حسن احمد كتب:سيف بيه حمد لله على سلامتك ومبروك ، وكعهدنا بك مشرف دائما


الله يسلمك و يبارك فيك يا استاذ ياسر و الواحد متشرف بالناس الحلوة اللى زي حضراتكم
مع تحياتى
سيف خيرى
عاشق الصيد


صورة


صورة العضو الشخصية
تامر أنور
مشاركات: 443
اشترك في: الخميس أغسطس 11, 2011 11:52 am
مكان: القاهـــــرة

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة تامر أنور » الخميس يونيو 19, 2014 7:52 am

رغم الظروف ... لكن اداء عالى وخبرة كبيرة ماشاء الله
عقبال المسابقة الجاية
وبالتفوق والنجاح والرضا والخير دايمآ ان شاء الله

abd alrahman
مشاركات: 42
اشترك في: الأحد يونيو 02, 2013 8:11 am

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة abd alrahman » الخميس يونيو 19, 2014 12:21 pm

الف مبروك يا استاذ سيف
و عقبال البطولات القادمة ان شاء الله

صورة العضو الشخصية
ahmeditshark
مشاركات: 102
اشترك في: الجمعة نوفمبر 09, 2007 11:19 pm
اتصال:

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة ahmeditshark » الخميس يونيو 19, 2014 3:34 pm

مبروك............... مندوبنا كان بيتابع من علي الشط
Ahmed Ibrahim
Fishing is my life style
بِسْمِ اللَّـهِ الرَّحْمَـٰنِ الرَّحِيمِ
وَإِذَا غَشِيَهُم مَّوْجٌ كَالظُّلَلِ دَعَوُا اللَّـهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ فَمِنْهُم مُّقْتَصِدٌ وَمَا يَجْحَدُ بِآيَاتِنَا إِلَّا كُلُّ خَتَّارٍ كَفُورٍ ﴿لقمان: ٣٢﴾

صورة العضو الشخصية
mamooo
مشاركات: 850
اشترك في: الثلاثاء يناير 06, 2009 7:12 pm
مكان: روكسي

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة mamooo » الخميس يونيو 19, 2014 4:15 pm

الف حمد الله علي السلامه وعوده حميده للانتصارت والتقدم
صورة التوقيع اهداء من السيد الكبير ابو كيشو الفنان

صورة العضو الشخصية
tarekgoda
مشاركات: 97
اشترك في: الخميس أكتوبر 07, 2010 7:02 pm
مكان: شبرا القاهرة

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة tarekgoda » الخميس يونيو 19, 2014 5:38 pm

اهم حاجه عوده الفريق سالما وحمدالله علي سلامتكم بس الواحدزعلان ان صيادين الاسكندريه كسبونا بس مبروك ليهم ولحضراتكم وديه اخر مره الاسكندرانيه يشوفو اي سمك لاني انا نازل السنه الجايه انسحبو احسن انا احسن صياد بونجز في العالم مره اخري مبروك وكل سنه وجميع الاعضاء المحترمين بخير بقدوم شهر رمضان الكريم اعاده الله عليكم جميعا باالخير واليمن والبركات رمضان كريم

صورة العضو الشخصية
ashraf elwan
مشاركات: 442
اشترك في: الاثنين مايو 21, 2007 11:24 am
مكان: الاسكندرية

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة ashraf elwan » السبت يونيو 21, 2014 10:57 am

بسم الله ما شاء الله مبروك ياكبير وبجد واحشنا جدا انت نسيتنا ولا ايه؟
أخوكم أشرف علــــــــوان
رب لا تذرني فرداً وأنت خير الوارثين
صورةصورة إهداء من علي البنا

صورة العضو الشخصية
ايمن توحيد
مشاركات: 89
اشترك في: السبت يونيو 18, 2011 12:06 pm

Re: الحمد لله انهينا بطولة الجمهورية بالغردقة 2014 بنتيجة مش

مشاركةبواسطة ايمن توحيد » السبت يونيو 21, 2014 11:11 am

ان شاء الله القادم احسن
وتحياتي للجميع
ايمن توحيد
الصيد ده رزق مش فن وشطاره لا بالطعم والا بالسناره


العودة إلى “أخبار المسابقات و المهرجانات”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران