صيد سمكة كبيرة من بين الاسماك الصغيرة

يخصص هذا القسم لمواضيع الصيد من على الشاطىء

المشرف: مشرفين

صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

صيد سمكة كبيرة من بين الاسماك الصغيرة

مشاركةبواسطة jaguar1 » السبت مايو 25, 2013 11:07 am

صيد سمكة كبيرة بين الاسماك الصغيرة ؟ .... موضوع للنقاش
اخواني الاعزاء في المنتدى ... النهارده معايا موضوع للنقاش وعايز محترفي صيد الشاطئ يشاركونا في النقاش
الخميس 23-5 رحت انا وواحد صاحبي حاجز الدخيلة وسهرنا من 6 المغرب يوم الخميس حتى 6 الفجر يوم الجمعة ... الحمدلله كانت شغالة معانا حلو اوي جناشير رفيعة ... كنا بنزفر بصرصار وبنصطاد ببرغوت ( عرفنا بعد كده ان ده غلط ) وهوب ضرب مع صاحبي تيس ماشاء الله 900 جرام ..... وشوية وانا باصطاد هووووب ضرب معايا شرغوش ماشا الله انا ما وزنتهوش زي صاحبي لكن يقدر بحوالي 350 جرام وكنا مبسوطين جدا بالصيد الثمين ده وكنا بنسميه غلطة ... لحد ما طلع علينا النهار والساعة 6 جه شاب اسمه وائل ماشاء الله عليه جنتل جدا جدا استنى لما لقانا بنلم العدة ومروحين وبعدين لقيناه بدأ بفرد عدته اتعرفنا عليه ومن خلال حديثنا معاه بنقوله ان طلع معانا شرغوش كبير وتيس كبير غلطات فوجئنا به انه بيقولنا مفيش حاجة اسمها غلطة ... الصيد فن والصياد الفنان هو اللي يقدر ينتقي السمك فاستأذناه ان نقف نتعلم منه وفعلا وافق وقاللنا مش هاعلمكم قبل ما تشوفوا كويس اللي هاعمله وطلب مننا التركيز والهدوء والصبر وحدث الآتي :
اولا جاب صرصار بحر وفركه جامد في رمله وحضرهم جنبه في صفيحة وانتقى شوية صرصار صغير وحضرهم جنبه في صفيحة تانية وقعد واختار صرصارين كبار وطعمهم على جوز واسع وعيار كبير .... وبدأ يرمي صرصار مخلوط برملة قدامه بحوالي 2 متر ويرمي صرصار صغير حي بعدين رمى الخيط في حركة تشبه البندول لحد ما وصل لمكان الزفر ولطش سطح المياه ليوقف الخيط ونزل بمنتهى الهدوء .... وكان كل شوية يرمى صرصار برملة على الفلة ... السنارة غمزت كتير وهو سابها لحد ما لقينا البوصة لطشت في البحر كأن واحد بيضرب حد بالقلم وهنا بدأت المعركة بينه وبين السمكة وكان يطلع والسمكة تنزل البوصة المياه مرة تانية يطلع والسمكة تنزله وهكذا لحد ما لقينا المقاومة خفت خالص وفي اللحظة دي طلب مننا نجيب الملقاف ولقيناه رفع السمكة لحد ما رأسها ظهرت خارج المياه وثبتها للحظات وبعدين رخى الخيط سنة لقينا السمكة طافية على وش المياه كأنها نايمة وسحبها بمنتهى الهدوء لحد الملقاف .... وماشاء الله كنت تيس محترم يقدر بحوالي كيلو
لما طلبنا منه التفسير قالنا السمك الكبير دائما موجود تحت السمك الصغير خاصة الجناشير لكن لما بنرمي السنارة الجناشير بتهجم على الطعم وما بتسمحش بنزوله للقاع علشان يقابل السمك الكبير علشان كده لازم نلقي الصرصار المفروك في رملة لالهاء السمك الصغير وضمان وصول الطعم سليم للقاع وباستمرار يتم القاء الزفر لابعاد السمك الصغير عن الطعم وبذلك نضمن بقاء الطعم سليم حتى يهاجمه السمك الكبير وكل الغمز الخفيف لا يعني سحب السنارة بل يعني المزيد من الزفر لحماية الطعم ... والاهم عند التزفير بطعم معين يجب الصيد بنفس الطعم والا لن تنجح الفكرة لان اختلاف الطعم سيجذب السمك الصغير عليه وبكده تفشل النظرية
طولت عليكم لكن الموضوع شدني جدا جدا وعجبني ... وفعلا الصيد فن
طبعا الارزاق على الله ... لكن في نفس الوقت ربنا أمرنا بالسعي وراء الرزق
أنتظر ردود الاخوة وياريت أي حد يعرف طريقة حلوة زي دي يقولنا


صورة

Uploaded with ImageShack.us

صورة


صورة العضو الشخصية
محمود حمزه
مشاركات: 242
اشترك في: الاثنين نوفمبر 15, 2010 9:02 pm

Re: صيد سمكة كبيرة من بين الاسماك الصغيرة

مشاركةبواسطة محمود حمزه » السبت مايو 25, 2013 11:50 pm

كلام مظبوط 100% الله ينور عليه ده فعلا صياد مخضرم

فريق وحوش ستالى ( حسام مسعود - محمود حمزة )
صورة

waleed bakr
مشاركات: 10
اشترك في: السبت أكتوبر 13, 2012 7:01 pm

Re: صيد سمكة كبيرة من بين الاسماك الصغيرة

مشاركةبواسطة waleed bakr » الأحد مايو 26, 2013 7:49 am

نرجو توضيح أكثر لشكل صرصار البحر وكيفية تركيبة وتجهيزة للصيد وشكرا

صورة العضو الشخصية
احمد الحناوى
مشاركات: 112
اشترك في: الأربعاء أغسطس 22, 2012 11:54 am

Re: صيد سمكة كبيرة من بين الاسماك الصغيرة

مشاركةبواسطة احمد الحناوى » الأحد مايو 26, 2013 8:28 am

و الله فكرة سليمة و ممتازة
صورة



Ahmed El Henawy
01110277317

صورة العضو الشخصية
ahmed raafat
مشاركات: 10
اشترك في: الاثنين مايو 13, 2013 7:22 am

Re: صيد سمكة كبيرة من بين الاسماك الصغيرة

مشاركةبواسطة ahmed raafat » الأحد مايو 26, 2013 9:42 am

هو فين حاجز الدخيلة ده
ربى يظن الناس بى خيرا وانا اشر الخلق ان لم تعفو عنى

fepsceasar
مشاركات: 155
اشترك في: الثلاثاء أغسطس 28, 2012 12:06 pm

Re: صيد سمكة كبيرة من بين الاسماك الصغيرة

مشاركةبواسطة fepsceasar » الأحد مايو 26, 2013 2:12 pm

ممكن فكرة عن التصاريح المطلوبة للصيد من حاجز الدخيلة والمكان بالظبط
وهل الافضل الشغل عليه ليلا او صباحا
أبو كمال

ayman
مشاركات: 191
اشترك في: الاثنين يونيو 26, 2006 10:36 am
مكان: العجوزة

Re: صيد سمكة كبيرة من بين الاسماك الصغيرة

مشاركةبواسطة ayman » الأحد مايو 26, 2013 9:58 pm

ايه الجمال ده والدماغ دى
فعلا" يموت المعلم ولا يتعلم
ايمن سليمان

وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ - الانعام 32

صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:13 am

محمود حمزه كتب:

كلام مظبوط 100% الله ينور عليه ده فعلا صياد مخضرم



شكرا لمرورك وتشجيعك يا أستاذ محمود

صورة


صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:15 am

fepsceasar كتب:ممكن فكرة عن التصاريح المطلوبة للصيد من حاجز الدخيلة والمكان بالظبط
وهل الافضل الشغل عليه ليلا او صباحا


للدخول لحاجز الدخيلة مطلوب 3 تصاريح
الاول : تصريحممارسة هواية الصيد وذلك يتم استخراجه في شهر 10 حتى آخر ديسمبر ويكون نصف سنوي من 1-1 حتى 30-6 ويتم تجديده في منتصف العام بدءا من 15-5 .... ويستخرج من باب 22 ميناء الاسكندرية
الثاني : تصريح دخول للميناء وده يتم استخراجه قبل الصيد بيوم او في نفس اليوم ويكون تصريح دخول لممارسة هواية الصيد لمده 3 ايام ... ويستخرج بموجب تصريح الصيد النصف سنوي ... ويستخرج من باب 22 ميناء الاسكندرية
الثالث : تصريح دخول الحاجز لانه تابع للقوات المسلحة وده تصريح سنوي يستخرج من عند بوابة التصاريح البحرية عند القلعة

اما الشغل في الحاجز بيكون صباحا بطاطا ... ماشاء الله كبيرة وبتطلع بالعجينة والبرغوت والصرصار
وليلا شراغيش وتيوس كبيرة
طريقة الصيد بالسبحة الحساس بالبوصة ممكنة لكن الافضل في الحاجز صيد الفلة لتجنب الوعر

اما بالنسبة لميناء الدخيلة عامة به العديد من الارصفة تصلح لجميع انواع الصيد
ولا تحتاج التصريح الثالث الخاص بالحاجز
اذا عايز تصطاد هناك زي التسقيط اصطاد من رصيف الغلة

صورة


صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:33 am

waleed bakr كتب:نرجو توضيح أكثر لشكل صرصار البحر وكيفية تركيبة وتجهيزة للصيد وشكرا


دي صورة صرصار البحر وبيكون موجود تحت الصخور بكميات كبيرة

صورة


صورة


اما التطعيم والتجهيز عادي جدا لا يحتاج تجهيز فقط اشبك الصرصار الكبير في السنارة واستعين بالله وارمي وانت ورزقك
لكن اهم حاجة الزفر بحيث انك تجهز صرصار مفروك في الرمال وترميه على الفلة علشان تبعد السمك الصغير عن الطعم وتتركه سليم في انتظار السمكة الكبيرة

صورة


صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:34 am

احمد الحناوى كتب:و الله فكرة سليمة و ممتازة


شكرا لمرورك وشجيعك يا استاذ أحمد

صورة


صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:35 am

ahmed raafat كتب:هو فين حاجز الدخيلة ده


حاجز الدخيلة ده عبارة عن لسان في آخر ميناء الدخيلة ولدخول الحاجز يجب ان يكون لديك تصريح

صورة


صورة العضو الشخصية
jaguar1
مشاركات: 71
اشترك في: السبت يناير 12, 2013 12:26 pm

Re: صيد سمكة كبيرة من بين الاسماك الصغيرة

مشاركةبواسطة jaguar1 » الاثنين مايو 27, 2013 9:39 am

ayman كتب:ايه الجمال ده والدماغ دى
فعلا" يموت المعلم ولا يتعلم


شكرا لمرورك يا أستاذ أيمن ...
فعلا الانسان لازم طول الوقت يتعلم

صورة


صورة العضو الشخصية
sayed_ashraf
مشاركات: 53
اشترك في: الثلاثاء أغسطس 09, 2011 1:12 am

Re: صيد سمكة كبيرة من بين الاسماك الصغيرة

مشاركةبواسطة sayed_ashraf » الاثنين مايو 27, 2013 7:21 pm

فعلا كلام سليم جدا يجب المحافظه على الطعم من الاسماك الصغيرة بهذه الطريقه

صفوت روؤف
مشاركات: 25
اشترك في: الاثنين ديسمبر 09, 2013 12:04 pm

Re: صيد سمكة كبيرة من بين الاسماك الصغيرة

مشاركةبواسطة صفوت روؤف » الثلاثاء يناير 21, 2014 8:02 am

فكره هايله


العودة إلى “الصيد من الشاطىء”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد