تحذير لصيادي كوبري ستانلي

يخصص هذا القسم لمواضيع الصيد من على الشاطىء

المشرف: مشرفين

صورة العضو الشخصية
محمد الحوفى
مشاركات: 414
اشترك في: الجمعة فبراير 01, 2008 2:09 pm
اتصال:

Re: تحذير لصيادي كوبري ستانلي

مشاركةبواسطة محمد الحوفى » الثلاثاء نوفمبر 08, 2011 6:10 am

b_samy121 كتب:السلام عليكم
لانى بردو مرة قبل كده وانا فى الدور بتاع مدينة نصر عند الحديقة الدولية دور كوين
كان الفشنكاح هاجم فى اليوم ده
والحمد لله ربنا كرمنى وجبت فشنكاح سوبر وفشنكاح ضولمة وكانو جامدين اخر حاجة

باشا جميله قوى حكاية الفشنكاح دى ياريت توصف لنا مكان الدور فين بالضبط ههههههههههههههههههههههه
م/ محمد الحوفى
لا اله الا الله محمد رسول الله ;;;;;;;;;;;;;;; سبحان الله وبحمده سبحان الله العظيم ;;;;;;;;;;;;;;;;; حبيبى يا محمد يا رسول الله

محمد حنفي
مشاركات: 308
اشترك في: الاثنين ديسمبر 28, 2009 10:37 pm
مكان: الاسكندرية

Re: تحذير لصيادي كوبري ستانلي

مشاركةبواسطة محمد حنفي » الثلاثاء نوفمبر 08, 2011 11:22 am

السلام عليكم انا شوفت السمكه دى وانابغتطس فى مطروح الصيف الى فات وانا بفضل الله كان عندى خبر بيها وقبل مطلع كان فى واحد محظرنى منها هى فهلا بتبقى لونها تقريبا لون الرمله وجسمها تحت الرمله ودمغها بس الى بره انا شوفتها من هنا روحت طايرالحمد لله
اخوكم :- محمد حنفي

صورة العضو الشخصية
hsh201066
مشاركات: 185
اشترك في: السبت أكتوبر 01, 2011 4:12 pm
مكان: مصر - حاليا بالدوحة - قطر
اتصال:

Re: تحذير لصيادي كوبري ستانلي

مشاركةبواسطة hsh201066 » الثلاثاء نوفمبر 08, 2011 12:51 pm

اخى الكريم
شكرا لتحذيرك وشكرا لكل من اضاف معلومة عن هذه السمكة وجزا الله الجميع كل خير
كلمتان حبيبتان إلى الرحمن خفيفتان على اللسان ثقيلتان فى الميزان

(سبحان الله وبحمده سبحان الله العظيم)

أخوكـــــم / حسنــــــين سليمــــــــان

صورة العضو الشخصية
الصياد عمر
مشاركات: 21
اشترك في: الأحد إبريل 18, 2010 6:11 pm
مكان: الاسكندرية
اتصال:

Re: تحذير لصيادي كوبري ستانلي

مشاركةبواسطة الصياد عمر » الثلاثاء نوفمبر 08, 2011 6:02 pm

يا رجالة , انا عندي خبرة في موضوع البلامة دة, واللي بيسأل على أكلها, ممكن يقطع الرأس من عند الخياشيم بحذر ويأكل باقس الجسم.

وأظن اني صاحب الرقم القياسي باني طلعت اكتر من 10 بلامات في طلعة واحدة!
مرة حسيت بنقر في الشعر فبسحب وبكلم اللي جنبي(مش مركز في السحب) أما لقيتها طلعت اتمرجحت خبطت في بطني ( بلامة ) شكوكتني من على الفانلة! (الحمد لله مش جامدة اوي, يعني احمرت وحرقتني يومين اتنين بس)

اما تطلع معايا واحدة ادوس عليها بالجزمة او الشبشب واشد الشعر جامد, وبعدين اشوطها في المية...
هذه هي تجربتي مع البلامة!
مع تحيات عمر إبراهيم فتح الله
o.ibrahim2010@yahoo.com
صورة

صورة العضو الشخصية
biggeo2000
مشاركات: 199
اشترك في: الجمعة مارس 18, 2011 12:15 pm
مكان: شواطئ الاسكندرية

Re: تحذير لصيادي كوبري ستانلي

مشاركةبواسطة biggeo2000 » الثلاثاء نوفمبر 08, 2011 7:11 pm

انا عندى تجربة مع البلامه
كانت تجربة فعلا قاسية جدا و يارب محدش يمر بيها
السمكة دى فعلا مميتة بمعنى الكلمة
فلو طلعتلك قص الشعر و اوعى اوعى تفكر تسلكها
نيجى للقصة
كنت بصطاد مع صديق لى فى الساحل المهم طلعت معايا السمكة و مكنتش عارفها فمسكتها بقبضة ايدى قبل متفتح اشواكها و معرفتش اسلكها فقام صاحبى قالى هاتها ف و انا بديهالة شكتة و كانت اقوى شكة انا ممكن اتخيلها فى حياتى حيث كانت السمكة دى لا تتعدى 6 سم
المهم صاحبى دة احنا متربيين مع بعض و انا عارفه كويس مهما كان بيتألم عمره مبيقول أى المهم بعد دقيقة من الشكة لقيت دراع صاحبى بيورم جامد و صاحبى دة بيتلوى من الألم و كان بيصرخ جامد جدا المهم قلت أخدة لأى مستشفى من اللى على طريق العجمى المهم مبنلاقيش حد لغاية مروحنا لمستشفى فى الهانوفيل لقينا دكتور قالنا لازم تطلعوا على المستشفى الميرى قسم السموم و أنصحكم متلفوش لأن مفيش مستشفى فيها قسم السموم غير الميرى بس حاول تجرى بسرعة لان لو عدى عليه ساعة مش هتعرف تلحقة و انا حديلة حقنتين يأخروا العملية شوية, المهم انا اخدت العربية و طرت بس أكلت بلاعة ملهاش غطا فالعربية جابت كوبلن المهم سبت العربية و جريت بسرعة اخد تاكسى حتى انى من اللخمة نسيت اقفل ازاز العربية. المهم و أحنا فى الطريق الاقى صاحبى دة بيسقط و بعدين يتشاهد و يسقط تانى, انا مش قادر اوصفلكم شعورى كان أيه.
المهم و صلنا المستشفى و دخلنا قسم السموم فالدكتور بيقولى هو فى اية فقولتوا سمكة شكتة فقالى شكلها أية فوصفتلوا فقال ينهار اسود دى بلامة و لقيت الدنيا قامت و الكل عمال يجرى فجاء تانى و قالى بقالة اد اية قلتلة بتاع ساعة ألا ربع المهم لقيته بيجرى و جة جاب بتاع 5 حقن و راح بيديهمله و قالى أرفع ايدة فوق و أوعى تنزلها أحسن لو ورمت عن كدة لازم نقطعهاله(نقطعهالة) المهم انا سمعت الكلمة دى و قلبى وقف و اتسمرت مكانى ولا كانى عامود واقف,فبعد شوية جم أدوله حقن تانى بس الحمد لله الورم ابتدى يقل شوية, فلقيت الدكتور بيقولى صاحبك دة ربنا بيحبة و انكتبلة عمر جديد فقلتلة لية يا دكتور قالى السم دة من الانواع المركبة اللى بتهاجم كذا حاجة ميكس يعنى, فضحكت و قولتلة ميكس ازاى فقالى دة بيحتوى مواد شبة سم الحية و العقرب و حبة سموم تانية, فقلتلة و دة بيعمل ايةقالى دة بيرفع الضغط جدا فى الاوعية و فى نفس الوقت بيعمل تورم فى الجسم فالأتنين مع بعض بيقطعوا الأوردة و الشرايين لحد ميوصل للقب و بعدين باى باى كل سنة وانت طيب ودة بيتم خلال ساعة ساعة ونص.
فقلتلة واية العلاج علشان لا قدر الله لو حصل دة تانى نلحق نعمل حاجة فقالى حقنتين ( فورتاكورتين و ديكساميثيزون) دول هما علاجه بس تلحقة و تجيبة عالمستشفى.
و الحمدلله صاحبى قام بعد يومين بالسلامة بس مع حبه تورم فى أديه.
انا أسف للأطالة بس عايزكوا تعرفوا اد اية السمكة دى خطيرة جدا جدا جدا جدا
تحياتى

صورة


oteal
مشاركات: 18
اشترك في: الخميس يوليو 24, 2008 6:40 am

Re: تحذير لصيادي كوبري ستانلي

مشاركةبواسطة oteal » الخميس نوفمبر 10, 2011 11:54 am

انا اصطدت واحدة في الساحل الشمالي من قرية السراب ...وماكنتش اعرفه بحسبها نوع من اسماك المكرونة وفعلا وانا بطلعها من السنار شكتني ...بس ربنا شاء ان يبقي فيه جرح والنزف بتاعه الحمد لله رب العالمين يدو ان قضي علي السم بتاعها......شكرا لكل اعضاء المنتدي علي هذا الموضوع

صورة العضو الشخصية
sheska
مشاركات: 50
اشترك في: الأربعاء يوليو 04, 2007 10:47 am

Re: تحذير لصيادي كوبري ستانلي

مشاركةبواسطة sheska » الأحد نوفمبر 13, 2011 10:56 am

ربنا يحفظ الجميع بس انا عندى اضافة مهمة على كلام حد من الاخوة الافاضل ان اقصى طول لها 14 سم ,
فى مارينا تحديدا احنا كنا بنصطاد و اخدنا منها كام واحدة بس الواحدة كانت قد القاروص الوسط يعنى حوالى نص كيلو و كانت اكبر من شبر و نص هى شكلها زى الصغيرة بالضبط فى ما عدا الحجم.
و فيه حاجه تانيه ان روحها طويلة شوية , لما طلعن معانا رميناها على اللسان لحد ما تموت و جيت و الله امسكها بعد ما الشمش نشفتها لقيتها لسة صاحية بس ربنا ستر و ما اتشكتش.
و انا انصح اى حد تطلعله يقص الشعر و يرميها لانها ما دام سامة يبقى اكيد فى دمها نسبة و لو صغيرة من نفس السم.

mohammed2357
مشاركات: 2
اشترك في: السبت ديسمبر 17, 2011 8:01 pm

Re: تحذير لصيادي كوبري ستانلي

مشاركةبواسطة mohammed2357 » الاثنين ديسمبر 19, 2011 11:13 am

على فكره انا اكلتها قبل كدا كان طعمها روعه
بس كانت طالعه معانا فى الغزل من سيدى عبد الرحمن قبل مطروح

على طنطاوى
مشاركات: 4
اشترك في: الاثنين نوفمبر 17, 2014 6:24 pm

Re: تحذير لصيادي كوبري ستانلي

مشاركةبواسطة على طنطاوى » الثلاثاء ديسمبر 09, 2014 11:26 am

شكرا على المعلومة و التحذير لأن دى أول مرة أشوف هذه السمكة او أعرف عنها بالرغم من إنى اصطدت قبل كده فى الإسكندرية

صورة العضو الشخصية
حسام المهم
مشاركات: 289
اشترك في: الخميس ديسمبر 15, 2011 11:11 am
مكان: القاهرة شبرا روض الفرج

Re: تحذير لصيادي كوبري ستانلي

مشاركةبواسطة حسام المهم » الثلاثاء ديسمبر 09, 2014 12:25 pm

صورة
صورة
•وَظُلْمُ ذوي القربى أشد مرارة على النفس من وقع الحسام المهند


العودة إلى “الصيد من الشاطىء”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد